ادې راډیو- افغانستان نن، چهارشنبه، د زمري ۲۸مه، د برېتانوي استعمار څخه د خپلواکۍ ۱۰۷مه کلیزه لمانځي.
۱۰۷ کاله
وړاندې، د افغانستان پخواني پاچا امیر امانالله خان له برېتانوي استعمار څخه د
هېواد خپلواکي ترلاسه کړه.
روسیه او ترکیه له هغو لومړنیو هېوادونو څخه وو چې هغه مهال یې د
افغانستان خپلواکي په رسمیت وپېژندله.
د زمري ۲۸مه د برېتانوي استعمار پر وړاندې د افغانستان د خپلواکۍ د
بېرته ترلاسه کولو د مبارزې د سترې حماسې یاد تازه کوي. افغان ولس له اوږدو ازاديغوښتونکو
مبارزو وروسته په دې ورځ خپل ستر هدف، یعنې د هېواد خپلواکي، ترلاسه کړه.
د راپور له مخې، د برېتانوي ځواکونو د یرغل پر مهال د افغانستان
مسلمان ولس د دیني عالمانو د فتواوو پر بنسټ د یرغل پر وړاندې جهاد او مبارزه
وکړه. د هېواد په بېلابېلو سیمو کې دیني عالمانو د جهاد فتواوې ورکړې او خلک یې د
بهرنیو ځواکونو پر وړاندې عمومي پاڅون ته وهڅول.
د خلکو له پراخ پاڅون او بریالیو جګړو وروسته برېتانوي ځواکونه له
ماتې سره مخ شول او په پای کې افغان ولس د خپلو شهیدانو په قربانۍ د هېواد خپلواکي
ترلاسه کړه.
د زمري ۲۸مه هر کال د افغانستان د خپلواکۍ ورځې په توګه لمانځل کېږي
او په همدې مناسبت نن په ټول هېواد کې عمومي رخصتي اعلان شوې ده.
